Bu açıqlama Neft İxrac Edən Ölkələr Təşkilatının (OPEC) hesabatında dərc olunub.
AZXEBER.COM-un məlumatına xəbərə görə, hesabatda yazıldığına əsasən Çin 2014-cü ildə ABŞ-ı ötüb keçəcək və ən böyük neft idxalçısı olacaq.
Qlobal enerji bazarında belə yerdəyişmə ABŞ-da şist hasilatındakı canlanma sayəsində mümkün olub.Proqnozlara görə, bu il Çinin idxal etdiyi neftin həcmi 6 milyon barreli ötüb keçə bilər. Energetika sahəsində İnformasiya İdarəsi (EIA) ABŞ-ın neft idxalının cari ildə 6 milyon barreldən aşağı düşəcəyini proqnozlaşdırır.Qeyd etmək lazımdır ki, Çin artıq dekabrda ABŞ-ı ötüb keçə bilmişdi, ABŞ-da xalis neft idxalı sutkada 5,98 milyon barrelədək azalmışdı. Hesabatda qeyd olunur ki, bu, 1992-ci ilin fevralından indiyədək ən aşağı göstəricidir. Həmin ayda Çində neft idxalı sutkada 6,12 milyon barrelədək artıb.Keçən əsrin 70-ci illərində ABŞ dünyada ən böyük neft idxalçısı olub. Məhz bu, neft çıxaran ölkələr – Səudiyyə Ərəbistanı, İraq, Venesuela və başqa ölkələr barəsində ABŞ-ın siyasətini formalaşdırıb.İndi neft göndərənlərin etibarlılığı və Yaxın Şərqdə sabitlik Çini də narahat edəcək. Ölkə artıq hərəkətə gəlib: ÇXR-in dövlət şirkətləri Sudana, Anqolaya və İraqa milyardlarla dollar investisiya yönəldiblər.
