AZXEBER.com-a verilən məlumata görə, qəzetin bu dəfəki sayı tələbə jurnalistlərin araşdırma, elmi məqalə, reportaj və digər bu kimi janrda olan yazıları ilə oxucularının ixtiyarına verilib.Qəzetin bu sayında informasiyalar daha çox olsa da, ənənəvi mövzulara toxunmaq unudulmayıb. Bundan başqa bu dəfəki nömrədə iki rubrikaya da yer ayrılıb. “Onları bizə tanıt” rubrikasınıda gənc yazar Rüfət Əhmədzadə haqqında oxuculara söhbət açılıb. Digər rubrika isə “Redaskiyamızın məhsulu” adlanır. “Qonaqli qaralı Student Times”, “Dünyanın ən gənc milyonerləri”, “Gəlin düz danışaq” adlı bir-birindən maraqlı yazılar oxuculara təqdim edilib.
İlk sayı iyunun 6-da işıq üzü görən qəzet ayda iki dəfə dərc olunur və şəhərin qəzet köşklərində əldə etmək mümkündür.
Qeyd edək ki, qəzeti Bakı Dövlət Universiteti Jurnalistika fakültəsinin tələbələri yaradıb. Şef-redaktoru BDU Jurnalistika fakültəsinin 4-cü kurs tələbəsi Məmməd Ağayev, şef-redaktor müavini isə İlkin Həsənovdur.
