Azərbaycanlı istifadəçilər sosial şəbəkələrdə, forumlarda bu hərəkətinə görə Aynişanı qınayıblar. "Facebook" sosial şəbəkəsində yaradılan “Anti Aynişan” qrupunun 10 minə yaxın üvzü var. Aynişan son günlər sosial şəbəkələrdə ən çox tənqid olunan şəxsdir.
AZXEBER.COM-un məlumatına görə, Respublikanın əməkdar artisti Aybəniz Haşımova məsələ ilə bağlı “Space”in efirində yayımlanan “Olduğu kimi” verilişinin qonağı olub və Aynişanla bağlı məsələyə aydınlıq gətirməyə çalışıb. Müğənni qızı Aynişan haqqında yayılan xəbərlərin sifarişlə yazıldığını iddia edib: “Efir vasitəsilə deyirəm ki, onu edən insan şərəfsiz insandır. Bir gün onun atasının ruhu yatdığı yerdə yapışacaq yaxandan və yaxud otururub ananın üzünə doymaq istədiyin vaxt sənin yarımçıq olaraq yuxundan ayıracaq. Sənə qənim kəsiləcək! Onun balasına ziyan vurmaq istədiyin üçün. Sən Aynişana ziyan vura bilməyəcəksən. Ona görə ki, Aynişanın qanında şərəfli qan axır. Aynişan ömrü boyu Azərbaycanın adına layiq olacaq. Hələ bu harasıdır, aynişan Hollivudda “Oscar”da alacaq. Siz bunu da görəcəksiniz. Siz onu pisləməkdə olun, onun ayağından çəkməkdə olun. Aynişan da Azərbaycana uğur gətirməyində”.
Əməkdar artist fotoşəkillərin bilərəkdən Avroviziya mahnı müsabiqəsində özbaşınalıqlara etiraz etdikdən sonra mətbuata sızdırıldığını söyləyib: “Jurnalist Vüqar Vüqarlını mən əvvəl də, tanıyırdım. Belə oldu ki, Avroviziya müsabiqəsi başlandı və mən orada bir çox özbaşınalıqlar müşahidə etdim. O nə edirdi? Konkret yazılarında görünürdü ki, özünün şəxsi baxımdan yaxınlığı olduğu insanlara mövqeyi bilinirdi. Obyektivlik və qeyri-obyektivliyi baxımından nəzərdə tuturam. Mən də, iradımı bildirəndə “ bu mənim öz işimdi” cavabını verdi. Mən də “mən necə ki peşəkar jurnalist deyiləm, sən də eləcə peşəkar musiqiçi deyilsən. Sən musiqini peşəkar bilmədiyin üçün sənin ixtiyarın yoxdur qeyri-peşəkar yazı yazmağa” cavabını ona verdim.
O vaxtdan mən iradımı bildirmişəm indi də bildirirəm, birdə qeyri-obyektiv yazı görsəm məndən incimə! Çünki, yazılarından da görünür ki, bu adam mənə qarşı düşmən mövqeyindədir. Niyəsini də bilirəm. Çünki, bu adamın konkret müğənniləri var ki, onların sifarişlərini yerinə yetirir. Tək Vüqar Vüqarlı deyil başqa bir neçə adam da, var. Ayıb olsun onlara.
Mənim sözüm budur. Belə atalar sözü var “Ölünü özbaşına qoysan , kəfəni cırıb qaçar”. Biz insanlara nə qədər çox sərbəstlik veririksə, bir o qədərdə atdıqları addımlara çəpər qoymalıyıq. Görünür özlərini idarə edə bilmirlər , görünür bu qədər sərbəstlik onlara başgicəllənməsi verir. Və hətta ölkənin adı naminə çalışan insana etdiyi təxribat nəticəsində onların etdiyi işlərə kölgə gətirir. Bunlara son qoyulmalıdır”.
Ülkər Eldarqızı
