Ermənistanın elm, təhsil, mədəniyyət və idman naziri Vaqram Dumanyan istefa verib.
Bu barədə nazirlik məlumat yayıb.
V.Dumanyanın istefasının səbəbi açıqlanmayıb.
Qeyd edək ki, V.Dumanyan 1962-ci ildə anadan olub. O, 2008-2019-cu illərdə İrəvan Dövlət Universitetinin nəzdində Ali Attestasiya Komissiyası yanında "Riyazi kibernetika” ixtisaslaşdırılmış şurasının elmi katibi olub.
2021-ci il avqustun 3-də Ermənistanın elm, təhsil, mədəniyyət və idman naziri təyin edilib.
Xatırladaq ki, V.Dumanyan ötən ilin avqustunda mətbuatın gündəminə gəlmişdi. Həmin dövrdə onun hərbi xidmətdə olan oğlu Qevorq İrəvan şəhərinin Çarab Axbyur küçəsində qəza törətmişdi.
///Report
