Müğənni Camilla mərhum tanınmış bəstəkar Ruslan Əhmədoğlunun ölümündən öncə yazdığı son bəstəsini ifa edib.
AZXEBER.COM xəbər verir ki, ifaçı bəstəkarın müəllifi olduğu "Boş yerə” adlı mahnıya ekran həyatı da verib.
Yeni mahnısı haqda danışan müğənni bəstənin onun üçün çox qiymətli olduğunu deyib:
"Bu mahnı mənə bir ömür onun ölümünü xatırladacaq. Amma onun xatirəsi əbədi bu mahnılarda yaşayacaq. O da istəyirdi ki, bəstələri yaşasın. Dillərdə əzbər olsun, sevilsin. Ruslanın bir çox mahnıları yarımcıq qaldı. Nə xoş ki, mənə də Ruslan Əhmədoğlunun ürəyindən gələn sözlərlə bəstələnən mahnıları oxumaq qismət olub”.
Bundan başqa Camilla bildirib ki, mərhumun sözügedən son bəstəsinə çəkilən klip öz ad gününə özəl olaraq təqdim olunmalı idi. Lakin bəstəkarın ölümündən sonra mahnının təqdimatı təxirə salındı.
Camillanın sözlərinə görə o, R.Əhmədoğlunun "Boş yerə” adlı son bəstəsini dostları, ailəsi və sevənlərinin istəklərini nəzərə alaraq təqdim edib.
Qeyd edək ki, klip Qaradağda çəkilib. Çəkiliş meydançaaında xüsusi dekor qurulub.
Müğənninin yeni işi bütün musiqi platformalarında, klip isə sənətçinin rəsmi "Youtube” kanalında nümayış olunur.
