AZXEBER.COM Xezerxeber.az-a istinadən xəbər verir ki, söhbət paytaxtın Mehdi Mehdizadə küçəsindən gedir. Sözügedən ərazidən üzü ''28 may'' küçəsi istiqamətində piyada zolaqları arasında məsafə çox olduğu üçün sakinlər əziyyət çəkirlər.
Hərəkətin intensiv olduğu yolun ən çox piyadalar istifadə etdiyi yerdə zolaq yoxdur. Bu səbəbdən, sakinlər, yolun, avtomobillərin hərəkəti üçün nəzərdə tutulan hissəsindən istifadə etməyə məcbur olurlar.
Bu vəziyyət piyadalar üçün, xüsusən də yaşlılar və uşaqların yolu keçməsində təhlükəli vəziyyət yaradır. Piyadalar deyirlər ki, burda qəza riski hər an var.
Məsələ ilə bağlı Yerüstü Nəqliyyat Agentliyinə müraciət etdik. Qurumdan bildirildi ki, əraziyə baxış keçirilib və piyada keçidinin təşkilinə uyğun hesab olunub. Sözügedən yol sahəsində işıqforla nizamlanan piyada keçidinin təşkili ilə bağlı aidiyyəti quruma müraciət olunacaq.
