Aparılan təmir işləri ilə əlaqədar paytaxtın bəzi küçələrində hərəkət müvəqqəti məhdudlaşdırılacaq.
Azərbaycan Avtomobil Yolları Dövlət Agentliyindən AZXEBER.COM-a bildirilib ki, məhdudiyyətlər növbəli şəkildə tətbiq olunacaq.
Hərəkət aşağıdakı cədvəl üzrə bağlanır:
Mikayıl Əliyev küçəsi ilə Kamil Balakişiyev küçəsi arasındakı yol 2 sentyabr saat 09:00-dan;
Kamil Balakişiyev küçəsinin Rüstəm Rüstəmov küçəsi ilə kəsişməsindən 61 nömrəli məktəbə qədər olan hissəsi 2 sentyabr saat 10:00-dan;
Xətai rayonu, Abdulla Rəhimov küçəsi isə 3 sentyabr saat 08:00-dan bağlanacaq.
Sürücülərdən qeyd olunan marşrutlar üzrə alternativ yollardan istifadə etmələri xahiş olunur.
