Oktyabrın 21-də Qaradağ rayonunun Müşfiqabad qəsəbəsində təmir işləri ilə əlaqədar bəzi yollarda nəqliyyatın hərəkəti məhdudlaşdırılacaq.
AZXEBER.COM xəbər verir ki, bu səbəbdən 114B, 555 və 557 nömrəli müntəzəm marşrut avtobuslarının hərəkət sxemi müvəqqəti dəyişdiriləcək.
Məhdudiyyət Yeni Həyat və Şirvan küçələrinin kəsişməsindən 10-cu Müşfiqabad küçəsi ilə kəsişməyədək olan hissəni əhatə edəcək.
Dəyişikliklərə əsasən, avtobuslar alternativ yollarla hərəkət edəcək. Hər üç marşrutun son dayanacağı Yeni Həyat küçəsi, giriş 289 ünvanında müəyyən edilib.
Sərnişinlərə səfərlərini planlaşdırarkən müvəqqəti dəyişiklikləri nəzərə almaları tövsiyə olunur.
