Sürətlə inkişaf edən süni intellekt son zamanlar iş dünyasının bir çox sahələrində yüksələn trendə çevrilib.
AZXEBER.COM xəbər verir ki, süni intellektlə bağlı müzakirələr yaxın gələcəkdə insanlardan bir çox iş alacağı halda, dünyanın aparıcı tədqiqat şirkətlərindən biri olan McKinsey Qlobal İnstitutu 2030-cu ilə qədər robotların üstünlük təşkil edəcəyi 4 peşəni sadalayıb.
Dünyadakı iqtisadi tendensiyaları araşdıran McKinsey Qlobal İnstitutu yeni dərc etdiyi araşdırmada ABŞ-da məşğulluğun yaxın illərdə texnologiyadan əhəmiyyətli dərəcədə təsirlənəcəyini açıqlayıb. Araşdırmaya görə, 2030-cu ilə qədər ABŞ-da təxminən 12 milyon işçi işlərinə olan tələbatın azalması səbəbindən yeni peşələr tapmalı olacaq.
Məlumata görə, bu dəyişikliklərdən ən çox təsirlənəcəklər az maaş alan işçilər olacaq. Digər tərəfdən, araşdırmaya görə, gələcək illərdə səhiyyə, texnologiya və nəqliyyat kimi sektorlarda yüksək maaşlı peşələrə tələbat əhəmiyyətli dərəcədə artacaq.
Tədqiqatda yaxın 10 ildə işçi qüvvəsinə olan tələbatın dəyişməsini istiqamətləndirəcək 4 əsas amil aşağıdakı kimi sadalanır:
Avtomatlaşdırma: İşlərin avtomatlaşdırılması ChatGPT kimi süni intellekt texnologiyalarının artması ilə təmin edilə bilər. Tədqiqat göstərib ki, ABŞ-da mövcud iş yerlərinin 30%-i 2030-cu ilə qədər avtomatlaşdırıla bilər.
Onlayn alış-verişin yüksəlişi: Elektron ticarətdəki partlayışın təsiri ilə fiziki mağazalardakı işçilərin sayı azalacaq, lakin anbar və nəqliyyat xidmətlərində iş həcminin artacağı gözlənilir.
Əhalinin qocalması: ABŞ və bir çox başqa ölkələrdə əhali qocalır və müxtəlif yaş qruplarının fərqli xərcləmə vərdişləri səbəbindən bəzi iş yerləri azalır. Ancaq bu vəziyyət həm də tibb işçiləri kimi bəzi peşə qruplarına tələbatın sürətlə artmasına səbəb olacaq.
Məhsuldarlıq artımı: ABŞ-nin istehsal sektorunda artıma baxmayaraq, məhsuldarlıq artımı istehsalda daha az işçi tələb edir. Bu vəziyyətdə daha az işçi, lakin daha çox bacarıq tələb oluna bilər.
Ayşən
