Merkuri və Yupiter qarşı-qarşıya gələcək və 3 gün təsir edəcək.
AZXEBER.COM Türkiyə mətbuatına istinadən xəbər verir ki, bu barədə türkiyəli astroloq Dinçer Güner öz sosial media hesabında paylaşım edib və oxucularına xəbərdarlıq edib.
O, paylaşımda bildirib:
"Reaksiyalarınıza qarşı diqqətli olun. Bu bucağın təsiri ilə biz çox nikbin ola bilərik. Evdən çıxmadan əvvəl telefon və cüzdanınızı yoxlayın.
İşinizi bitirmədən, istirahət etmək, heç bir şey etməmək və xəyal qurmaq istəyə bilərsiniz. Böyük sözlər və tuta bilməyəcəyiniz vədlər verməkdən çəkinin. Həddindən artıq optimist baxışla planları və layihələri qiymətləndirərkən mühüm detalları görməməzliyə vura bilərsiniz.
Yeni imkanlar axtarmaq, biznes və investisiyalarla bağlı təşəbbüslər etmək üçün çox məhsuldar bir dövr ola bilər. Ağlımıza böyük fikirlər gələ bilər.
Yupiter bəxt və fürsətlərlə əlaqəli olduğu üçün yaxşı fürsətlərlə qarşılaşa bilərik. Lakin acgözlük və ya həddindən artıq özünə inamlı olmaq itkilərə səbəb ola bilər.
Məsələn, dostlarınıza bir layihəni təsvir edərkən, şişirdilmiş cümlələr qura bilərsiniz, lakin bunu necə edəcəyinizlə bağlı dəqiq bir plan təqdim edə bilməyəcəksiniz.
İşgüzar görüşdə gözəl layihə ideyası ilə çıxış edə bilərsiniz. Bununla belə, təfərrüatlara girdiyiniz zaman layihənizin mümkünlüyünü şübhə altına alan bir menecerlə qarşılaşa bilərsiniz.
Oksana
