Ukraynanın Nikolayev şəhərində 3 nəfər tərəfindən vəhşicəsinə təcavüzə məruz qalan, sonra da diri-diri yandırılmaq üçün tonqala atılanOksana Makar xəstəxanada keçinib.
AZXEBER.COM-un Ukrayna mətbuatına istinadən verdiyi xəbərə görə, Oksananın aldığı yaralar çox ağır olduğundan onu həyatda saxlamaq mümkün olmayıb.
Qeyd edək ki, 18 yaşlı Oksana Makarın hadisəsi Ukraynada və dünyada çox böyük qalmaqala səbəb olmuşdu.
Oksananın anası Tatyana Surovitskayanın dediyinə görə, qızını bu günə qoyanlardan biri şəhər rayonlarından birinin bələdiyyə başçısının, digəri isə prokurorun oğludur.Oksananı dəfələrlə zorlayan, sonra onu boğmağa çalışan və axırda da üzərinə benzin tökərək yandıran 23 yaşlı Maksim Prisyajnikov, 21 yaşlı Artyom Poqosyan və 23 yaşlı Yevgeni Krasnoşyok tutulublar.Yanaraq tanınmaz hala düşən, sağ qolunun sümükləri yanaraq kül olan, iki ayağı topuqdan kəsilmiş Oksananın taleyi hazırda Türkiyədə yayımlanan “Fatmagülün suçu ne?” serialındakı baş qəhrəmanın taleyi ilə eyniləşdirilir.
