Türkiyədə keçirilən "Kuyu-34" və "Kuyu-35" əməliyyatları ilə 6 mütəşəkkil cinayət təşkilatının məhv edildiyi açıqlanıb.
AZXEBER.COM Türkiyə mediasına istinadən xəbər verir ki, bu barədə türkiyəli Daxili İşlər Naziri Ali Yerlikaya açıqlama verib.
Əməliyyatlar zamanı saxlanılan 115 şübhəlidən 91-nin həbs olunduğunu, 24-ü haqqında nəzarətdə saxlanılma əmri verildiyini bildirən Yerlikaya açıqlamasında bildirib:
"Mütəşəkkil cinayətkar təşkilatlar və dəstələr qazdıqları quyulara düşməyə davam edir. Xalqımız bizə güvənir, inanır. Onların duaları və dəstəyi ilə bizim mübarizəmiz davam edir.
Əməliyyatlar zamanı 9 sənədsiz silah, 3 sənədsiz tüfəng, 7 kəsici-deşici əşya, müxtəlif miqdarda narkotik maddə və çoxlu sayda POS cihazı, mobil telefon və sim kart ələ keçirilib".
Bununla yanaşı, Yerlikaya prokurorluq əməkdaşlarını və polisləri təbrik edib.
Oksana
