Atletikaya həvəsi olan və bir çox medal qazanan 67 yaşlı türkiyəli idmançı Necati Kükul yaşıdlarının onu nümunə kimi gördüyünü və hədəfinin İstanbul Yarım Marafonunda medal qazanmaq olduğunu bildirib.
AZXEBER.COM Türkiyə mətbuatına istinadən xəbər verir ki, təqaüdə çıxdıqdan sonra 12 il əvvəl atletikaya başlayan 67 yaşlı Necati Kükul qatıldığı 110 yarışda 108 medal qazanıb.
Gəncliyində bir müddət futbol oynayan, daha sonra idmandan uzaqlaşan təqaüdçü iki uşaq atası Kükul 2013-cü ildə həyat yoldaşı ilə birlikdə Trabzondan Mersinə köçüb.
Daha sonra atletika ilə məşğul olan Kukul 12 il ərzində yarım marafon və 10 kilometr qaçış daxil olmaqla 110 yarışa qatılıb və öz yaş qrupunda 8 dəfə birinci yer qazanıb.
Ədirnə, İzmir, Trabzon, Qaziantep, Kayseri və Konyada keçirilən marafonlara qatılan Kükul, son olaraq Niğdedə Şəhid Ömər Halisdemirin xatirəsinə təşkil edilən 2-ci Niğde Yarım Marafonunda ikinci olub.
Oksana
