İstanbulda 8 ildir axtarışda olan FETÖ üzvü həbs olunub.
AZXEBER.COM xarici mediaya istinadən xəbər verir ki, İstanbulda FETÖ/PDY silahlı terror təşkilatına üzv olmaq ittihamı ilə 8 ildir axtarışda olan 48 yaşlı F.Ç. adlı şəxs təhlükəsizlik qüvvələrinin keçirdiyi əməliyyat nəticəsində saxlanılıb.
Məlumata görə, F.Ç. 8 il əvvəl Türkiyə Daxili İşlər Nazirliyinə bağlı olan İctimai Təhlükəsizlik və Asayiş Müsteşarlığında mütəxəssis vəzifəsində çalışıb, lakin FETÖ ilə əlaqəsinin müəyyən olunmasından sonra vəzifəsindən uzaqlaşdırılıb.
İstanbul Təhlükəsizlik İdarəsinin əməkdaşları F.Ç.-nin Çekmeköy rayonunun Güngören məhəlləsində yaşadığını müəyyənləşdirib. Bunun üzərinə 4 iyun tarixində müəyyən edilmiş ünvana əməliyyat keçirilib və 8 ildir qaçqın kimi axtarışda olan F.Ç. yaxalanaraq nəzarətə alınıb.
F.Ç.-nin ifadəsi alındıqdan sonra 5 iyun tarixində məhkəməyə çıxarılıb və barəsində həbs qərarı verilib. Hazırda istintaq davam edir.
Oksana
