Bu ilin sonuna kimi Zəngəzur dəhlizinin -Horadiz-Cəbrayıl-Zəngilan-Ağbənd avtomobil yolunun tikinti işlərinin 85-90 %-nin tamamlanması planlaşdırılır.
Bunu "Report"un tikinti gedən əraziyə ezam olunmuş müxbirinə Azərbaycan Avtomobil Yolları Dövlət Agentliyinin (AAYDA) şöbə rəisi İlham Süleymanov deyib.
"İlin sonuna kimi daha 12 körpünün istifadəyə verilməsi, asfaltlama işlərinin isə 55 %-nin yerinə yetirilməsi nəzərdə tutulub", - deyə o bildirib.
Xatırladaq ki, hazırda layihə üzrə yol boyu nəzərdə tutulan 27 körpüdən 12-si artıq tikilib, asfaltlama işlərinin isə 40 %-i icra olunub.
Horadiz-Cəbrayıl-Zəngilan-Ağbənd avtomobil yolunun təməli 2021-ci il oktyabrın 26-da qoyulub.
