Florida ştatının Nümayəndələr Palatası 16 yaşdan kiçik insanlar üçün sosial medianı qadağan edən qanun layihəsini qəbul edib.
AZXEBER.COM Qərb mediasına istinadən xəbər verir ki, Florida Nümayəndələr Palatası respublikaçı üzvlərinin təklif etdiyi, valideynlərin icazəsindən asılı olmayaraq 16 yaşından kiçik uşaqların sosial mediadan istifadəsini qadağan edən qanun layihəsinə səs verib.
Qanun layihəsi 106 "lehinə” səsi, 13 "əleyhinə” səsi ilə qəbul edilib.
Hansı sosial media şirkətlərinin bu qadağalardan təsirlənəcəyi ilə bağlı heç bir siyahı olmasa da, "istifadəçi hərəkətlərini izləyən, uşaqların məzmun yükləməsinə və digər istifadəçilərlə əlaqə saxlamasına imkan verən və asılılıq yaradan məzmun ehtiva edən” bütün platformaların bu qadağaların əhatəsində olduğu bildirilib.
Qanun layihəsi sosial media şirkətlərindən 16 yaşından kiçik uşaqların istifadə etdiyi aşkarlanan hesabları bağlamağı tələb edir. Sözügedən qanun layihəsinin qanuna çevrilməsi üçün Florida qubernatoru Ron DeSantisin təsdiqi tələb olunur.
Digər tərəfdən, Meta tərəfindən edilən şərhdə Florida Nümayəndələr Palatasına bu mövzuda qadağa deyil, başqa bir həll tapılmasına çağırış edib.
Mikayıl
