ABŞ-də aparılan sorğu nəticəsində məlum olub ki, əhalinin 52%-i ABŞ administrasiyasının İsrailə silah və texnika göndərməsini dəstəkləmir.
AZXEBER.COM xarici mediaya istinadən xəbər verir ki, "CBC News” telekanalının 16-19 oktyabr tarixlərində keçirdiyi sorğuda iştirakçılara ABŞ prezidenti Co Baydenin İsrail-Fələstin münaqişəsinə münasibəti ilə bağlı suallar verilib.
İştirakçıların 57%-i ABŞ-nin Qəzzada fələstinlilərə yardım etməsini dəstəklədiyi halda, 56%-i Baydenin İsrail-Fələstin münaqişəsi ilə bağlı siyasətindən məmnun olmadığını bildirib.
İştirakçıların 85%-i münaqişənin Yaxın Şərqə yayılma riskindən narahat olduğu halda, 79%-i ABŞ-də terror fəaliyyətinin mümkünlüyündən narahat olduğunu bildirib.
İştirakçıların 52%-i ABŞ administrasiyasının İsrailə silah və texnika göndərilməsinə qarşı olduğunu bildirsə də, iştirakçıların 24%-i Baydenin İsrailə həddindən artıq dəstək verdiyini müdafiə edib.
Digər tərəfdən, ABŞ prezidenti Co Bayden xalqa müraciətində Ukrayna və İsrail də daxil olmaqla tərəfdaşları dəstəkləmək üçün Konqresi təcili büdcə tələb edəcəyini açıqlayıb.
Ayşən
