ABŞ-də minlərlə insan prezident Donald Tramp və onun administrasiyasının siyasətinə etiraz etmək üçün küçələrə çıxıb.
AZXEBER.COM "Report"a istinadən xəbər verir ki, bu barədə BBC məlumat yayıb.
Qeyd olunur ki, etiraza Trampın tariflər və Hökumətin Səmərəliliyi Departamentinin (DOGE) yaradılması vasitəsilə dövlət işçilərinin sayını və büdcə xərclərini azaltmaq təşəbbüsü səbəb olub.
Bildirilir ki, etirazçılar Britaniya hakimiyyətinə qarşı inqilabın ildönümü şərəfinə "Krallar yoxdur” yazılmış plakatlar tutublar.
Xüsusilə, Bostonda Trampa qarşı "50 501” ("50 etiraz, 50 ştat, 1 hərəkat”) adlı etiraz aksiyası keçirilib.
Etirazçı Tomas Basford deyib: "Bu, ABŞ-də azadlıq üçün təhlükəli dövrlərdir. İstəyirəm ki, nəvələrim ölkəmizin haradan gəldiyini və azadlıq uğrunda mübarizə aparmağı bilsinlər".
Bu ayın əvvəlində ABŞ-nin bir sıra şəhərlərində də Trampın yürütdüyü siyasətdən narazılıq səbəbindən kütləvi etiraz aksiyaları keçirilib.
