ABŞ-nin Merilend ştatında yük gəmisinin qəza yaratması nəticəsində sərnişinlər çökən körpüdən çaya düşüb.
AZXEBER.COM Qərb mediasına istinadən xəbər verir ki, çaya düşən 8 nəfərdən 2-si xilas edilərkən, 6 nəfərin tapılmadığı və ölmə ehtimalı olması qeyd edilib.
Digər tərəfdən körpüyə çırpılan Sinqapur bayraqlı "Dali" yük gəmisinin 22 ekipaj üzvünün hamısı sağ-salamat xilas edilib.
Merilend ştatının qubernatoru Ues Mur mətbuata açıqlamasında 1977-ci ildə inşa edilən körpünün vəziyyətinin qaydalara uyğun olduğunu qeyd edib.
Bu arada gəmilərlə bağlı məlumatların paylaşıldığı Equasis saytındakı məlumatlara görə, Dalinin 2016-cı ildə Belçikanın Antverpen limanında qəzaya uğradığı və daha sonra aparılan araşdırmada gəminin hərəkətində çatışmazlıqlar olduğu ortaya çıxıb.
Həmçinin yük gəmisinin körpüyə çarpmadan qısa müddət əvvəl köməyə çağırdığı və beləliklə daha çox avtomobilin körpüyə girməsinə mane olduğu da öyrənilib.
Qəzadan sonra ştatda fövqəladə vəziyyət elan edilib, axtarış-xilasetmə qrupları qəza zamanı körpüdə təmir işləri aparan 8 inşaatçıdan 2-ni xilas edib.
Mikayıl
