ABŞ administrasiyası ABŞ-la əlaqəsi olan fələstinliləri qaçqın kimi ölkəyə gətirməyi planlaşdırır.
AZXEBER.COM xarici mətbuata istinadən xəbər verir ki, ABŞ vətəndaşı olan və ya ölkədə yaşayan qohumu olan fələstinlilərlə bağlı araşdırmaların aparıldığı vurğulanıb.
Bildirilib ki, ABŞ-də qohumları olan fələstinlilərə yönələn bu tətbiqin müharibədən zərər çəkmiş Qəzzanı tərk edənlər üçün "təhlükəsiz sığınacaq” imkanı yaratması planlaşdırılır.
Qəzzadan Misirə qaçmağı bacaranlara ABŞ-nin Qaçqınların Qəbulu Proqramı çərçivəsində qaçqın statusunun veriləcəyi bildirilib.
Xəbərdə ABŞ-li qohumları olan fələstinlilərin Qəzzanı tərk etmələrinə kömək oluna biləcəyi söylənilib və bu məqsədlə Misirlə əməkdaşlıq ediləcəyi qeyd edilib.
Mikayıl
