ABŞ Prezidenti Co Baydenin çağırışı ilə İsrailin Qəzzaya qarşı quru əməliyyatını dayandırdığı deyilərkən, ABŞ mətbuatı daha bir diqqətçəkən xəbər yayıb.
AZXEBER.COM Qərb mediasına istinadən xəbər verir ki, xəbərdə Vaşinqtonun İsrailin belə bir əməliyyata hazır olmadığını düşündüyü üçün bölgəyə general-leytenant Ceyms Qlinni göndərdiyi və ABŞ generalının müharibəyə başçılıq etdiyi vurğulanıb.
"The Times of Israel” qəzeti yazıb ki, ABŞ generalı əvvəllər İŞİD-ə qarşı xüsusi əməliyyat qüvvələrinə rəhbərlik edib və İraqın Fəllucə şəhərində ən qızğın şəhər toqquşmalarında xidmət edib.
Sözügedən tapşırığın ABŞ mətbuatında yer almasından saatlar sonra Pentaqon mövzu ilə bağlı açıqlama verib.
Pentaqon rəsmisi bildirib ki, general Qlinnin təyinatı Pentaqonun İsrail adından qərarlar qəbul etməsi demək deyil.
Mikayıl
