"Şimali Koreyaya qəsdən və icazəsiz daxil olan ABŞ əsgəri olub".
AZXEBER.COM Qərb mediasına istinadən xəbər verir ki, bu barədə ABŞ Dövlət Departamentinin sözçüsü Methyu Miller jurnalistlərin suallarını cavablandırarkən deyib.
Dünən Şimali Koreyaya daxil olan və əvvəlcə "ABŞ vətəndaşı” olaraq xarakterizə edilən şəxsin ABŞ əsgəri olduğunu bildirən Miller, "Hazırda Müdafiə Nazirliyi ilə əlaqə saxlayırıq. Qeyd etdiyimiz kimi, o, Şimali Koreyaya qəsdən və icazəsiz keçən ABŞ əsgəri idi. Sözügedən şəxs onların əməkdaşlarından olduğu üçün, təbii ki, Müdafiə Nazirliyi cavabdehlik daşıyır və biz müvafiq ola biləcək hər hansı yardımı göstərmək üçün onlarla əlaqə saxlayırıq. Əminəm ki, biz Cənubi Koreyalılarla da əlaqə saxlayırıq. Onlarla mütəmadi görüşlərimiz olur”, - deyə o bildirib.
ABŞ-ın müdafiə naziri Lloyd Ostin ABŞ Baş Qərargah rəisi Mark Millli ilə birgə mətbuat konfransında Şimali Koreya məsələsinə toxunub.
Austin deyib: "Öncədən deyə bilərəm ki, biz bu tədbirdə çox erkənyik və buna görə də hələ öyrənməyə çalışdığımız çox şey var. Onun Şimali Koreyanın nəzarəti altında olduğuna inanırıq. Ona görə də biz vəziyyəti diqqətlə izləyirik, araşdırırıq və əsgərin ən yaxın qohumlarına məlumat vermək və bu hadisəni aradan qaldırmaq üçün çalışırıq. Biz bu məsələyə diqqəti davam etdirəcəyik. Sizi məlumatlandıracağıq”.
Qeyd edək ki, Birləşmiş Millətlər Təşkilatının Komandanlığı dünən ABŞ vətəndaşının icazəsiz Hərbisiz Bölgəyə daxil olduğunu və Şimali Koreyaya daxil olduğunu açıqlayıb.
BMT bu şəxsin Şimali Koreya təhlükəsizlik qüvvələri tərəfindən saxlanıldığını bildirib.
Sonrakı saatlarda Şimali Koreyaya daxil olan şəxsin ABŞ əsgəri olduğu üzə çıxıb. ABŞ mediası əsgərin adının Travis King olduğunu bildirib.
Mikayıl
