ABŞ-ın maliyyə naziri Skott Bessent İrana qarşı tətbiq ediləcək sanksiyalarla bağlı açıqlama verib.
AZXEBER.COM xarici mediaya istinadən xəbər verir ki, Bessent ABŞ-nin bütün dünyada İrana qarşı iqtisadi hücuma başlayacağını və SEPAH-ın bütün potensial gəlir mənbələrini bloklayacaqlarını açıqlayıb.
Nazirin sözlərinə görə, Vaşinqton İrana qarşı sanksiyalarda "sıfır sızma” yanaşmasını tətbiq edəcək. O, bu münaqişədə qeyri-müəyyən və ya "boz” zonalarda fəaliyyət göstərməyin artıq qəbuledilməz olduğunu vurğulayıb.
"Ölkələrə ABŞ Maliyyə Nazirliyi tərəfindən müəyyən edilən fəaliyyətləri dayandırmaq üçün məhdud müddət veriləcək”, – deyə Bessent qeyd edib.
ABŞ maliyyə naziri ölkələrdən İran banklarının xaricdəki filiallarını bağlamalarını tələb edəcəklərini də açıqlayıb.
"Tehran təcrid olunana qədər bu tiran rejimi ayaqda saxlayan bütün iqtisadi həyat xətlərini kəsəcəyik. İranla istənilən iqtisadi əlaqə bu şəxsləri və qurumları ABŞ-ın gücünün tam təsir dairəsinə salacaq”, – Bessent bildirib.
O, dünya liderlərini seçim etməyə çağırıb: "Artıq dünya liderlərinin ABŞ ilə İran arasında seçim etməsinin vaxtıdır”.
