ABŞ Dövlət Departamenti xaricdəki ABŞ vətəndaşları üçün dünya miqyasında təhlükəsizlik xəbərdarlığı edib.
AZXEBER.COM xarici mətbuata istinadən xəbər verir ki, Dövlət Departamentinin internet saytında dərc edilən xəbərdarlıqda deyilir: "İsrail və İran arasındakı münaqişə Yaxın Şərqdə səyahətlərin kəsilməsinə və vaxtaşırı hava məkanının bağlanmasına səbəb olub. Xaricdə ABŞ vətəndaşlarına və ölkənin maraqlarına qarşı nümayişlər ola bilər. Dövlət Departamenti bütün dünyada ABŞ vətəndaşlarına daha diqqətli olmağı tövsiyə edir".
Qeyd edək ki, Dövlət Departamenti keçən həftə ABŞ vətəndaşlarına silahlı münaqişə, terrorizm və vətəndaş iğtişaşları səbəbindən İsrail, Qəzza və İordan çayının qərb sahilinə səyahət etməmələri barədə xəbərdarlıq edib.
Gülay
