ABŞ Maliyyə Nazirliyi HAMAS üzvlərinə və maliyyə vasitəçilərinə sanksiya tətbiq edib.
Bu barədə Maliyyə Nazirliyinin saytında məlumat verilib.
Bildirilib ki, ABŞ Maliyyə Nazirliyinin Xarici Aktivlərə Nəzarət Ofisi (OFAC) HAMAS qruplaşmasının 10 əsas üzvünə və onların Qəzza ilə yanaşı, Sudan, Türkiyə, Əlcəzair və Qətərdəki maliyyə vasitəçilərinə qarşı sanksiya tətbiq edib.
Qeyd olunub ki, sanksiyalar HAMAS-ın məxfi investisiya portfelində aktivləri idarə edən üzvləri, İran hakimiyyəti ilə sıx əlaqələri olan Qətərdə yerləşən maliyyə yardımçısı, HAMAS-ın əsas komandiri, Qəzzada yerləşən virtual valyuta birjası və onun operatorunu hədəf alıb.
///apa
