ABŞ-ın dövlət katibi Entoni Blinkenlə Fransanın xarici işlər naziri Jan-İv le Drian arasında telefon danışığı baş tutub.
AZXEBER.COM xəbər verir ki, bu barədə Dövlət Departamentinin mətbuat xidmətinin rəhbəri Ned Prays məlumat verib.
Onun sözlərinə görə, tərəflər Hind-Sakit okean regionu daxil olmaqla, əməkdaşlığın daha da dərinləşdirilməsini müzakirə ediblər, uzunmüddətli perspektivdə Saheldə terrorizm qarşı mübarizə səylərini dəstəkləmək öhdəliyini bir daha təsdiq ediblər.
Bundan başqa, NATO, eləcə də Avropa İttifaqının təhlükəsizlik və müdafiə məsələləri diqqət mərkəzində olub.
Telefon söhbəti ABŞ Prezidenti Cozef Baydenlə Fransa Prezidenti Emannuel Makron arasında cümə günü Romada planlaşdırılan danışıqlardan əvvəl baş tutub.
