ABŞ-ın Yəmənin Hudeyda əyalətinə endirdiyi hava zərbələri nəticəsində 4 nəfər ölüb, 3 nəfər isə yaralanıb.
AZXEBER.COM APA-ya istinadən xəbər verir ki, bu barədə husi Səhiyyə Nazirliyinin nümayəndəsi Anis əl-Əsbahi özünün sosial şəbəkə hesabında bildirib.
Məlumatlara görə, ABŞ husilərin nəzarətində olan ərazilərə, o cümlədən Hudeydadakı su infrastrukturuna, Həccə və Səadaya bölgələrinə zərbələr endirib.
Qeyd edək ki, ABŞ Prezidenti Donald Tramp daha əvvəl ABŞ Silahlı Qüvvələrinin Yəməndə husilərə qarşı zərbələri uzun müddət davam etdirəcəyini bildirmişdi.
