İraq Şam İslam Dövləti ölkədə ən böyük neftayırma zavodlarından birini ələ keçirib.
ANS PRESS-in məlumatına görə, “Əl Ərəbiyə” telekanalı xəbər verir ki, İŞİD zavoda hücum edərkən İraq ordusunun əsgərləri silahlarını yerə qoyaraq qaçıblar. Bir neçə hərbçi isə terrorçulara əsir düşüb. İŞİD bundan əvvəl zavoda 3 dəfə hücum etmişdi. Lakin İraq ordusu hücumları dəf edə bilmişdi.
Qeyd edək ki, İraqda iyunun əvvəlindən ara qarışıb. İŞİD ölkənin şimal-qərb bölgəsində nəzarəti ələ alıb. Ötən gün isə ABŞ dövlət katibi Con Kerri İraqda yaranmış vəziyyətlə bağlı bu ölkəyə səfər edib. O, açıqlama verib ki, İraqda baş verən hadisələrə yaxın həftələrdə son qoyula bilər.
