ABŞ Dövlət Departamenti İsrailə 510 milyon dollar dəyərində sursat, təlimat paketləri və dəstək avadanlığının satışını təsdiqləyib.
AZXEBER.COM xarici mətbuata istinadən xəbər verir ki, ABŞ Müdafiə Təhlükəsizliyi Əməkdaşlıq Agentliyi (DSCA) tərəfindən İsrailə 510 milyon dollar dəyərində sursat, bələdçi paket və əlaqədar dəstək ləvazimatlarının satışının təsdiqlənməsi ilə bağlı yazılı açıqlama verilib.
Bəyanatda DSCA-nın təsdiqi ABŞ Konqresinə göndərdiyi bildirilir. Qeyd olunub ki, İsrailin tələb etdiyi və ümumi dəyəri 510 milyon dollar olan satışa BLU-109 bombaları üçün 3845 KMU-558B/B və MK 82 bombaları üçün 3280 KMU-572 F/B Birgə Birbaşa Hücum Sursat (JDAM) bələdçi dəstləri daxildir.
Açıqlamada satışın ABŞ-ın xarici siyasəti və milli təhlükəsizlik məqsədlərinə dəstək verdiyi, İsrailin təhlükəsizliyinin artırılmasının ABŞ-ın maraqları üçün həyati əhəmiyyət daşıdığı bildirilib.
Açıqlamada satışın İsrailin indiki və gələcək təhdidlərlə mübarizə qabiliyyətini artıracağı ifadə edilərkən, sözügedən paketin İsrailin sərhədlərini, infrastrukturunu və məskunlaşma mərkəzlərini müdafiə etmə qabiliyyətini artıracağı da vurğulanıb.
JDAM bələdçi dəstlərinin bir hissəsinin ABŞ dövlət ehtiyatlarından əldə edilə biləcəyi və satışın ABŞ-ın müdafiə hazırlığına mənfi təsir göstərməyəcəyi bildirilib.
Gülay
