Ötən gecə ABŞ və Kanadanı birləşdirən körpüdə baş verən partlayışın təfərrüatları məlum olub.
AZXEBER.COM Qərb mediasına istinadən xəbər verir ki, ABŞ-Kanada sərhədində partlayışa səbəb olan avtomobilin 300 min dollar dəyərində lüks Bentley Flying Spur model avtomobil olduğu öyrənilib.
Qəzada nəqliyyat vasitəsini idarə edən 56 yaşlı iş adamının və həyat yoldaşının öldüyü açıqlanıb.
Hadisə ilə bağlı istintaq davam edərkən, cütlüyün partlayışdan əvvəl qumarxanası da olan Seneca Niagara adlı oteldə qaldıqları öyrənilib.
Səlahiyyətlilər adı hələ açıqlanmayan cütlüyün Nyu-Yorkda yaşadığını qeyd edərkən, CNN cütlüyün çox məşhur bir ailəyə aid olduğunu deyib.
Federal Təhqiqat Bürosunun (FTB) verdiyi açıqlamada partlayışın səbəbinin araşdırıldığı bildirilib.
Mikayıl
