ABŞ Rusiyanın kosmosa peyk əleyhinə nüvə silahı yerləşdirəcəyini iddia edib.
AZXEBER.COM Qərb mətbuatına istinadən xəbər verir ki, ABŞ Konqresinin Nümayəndələr Palatasının Kəşfiyyat Komitəsinin sədri Mayk Törner Rusiyanın kosmosa nüvə silahı yerləşdirmək planlarını ehtiva etdiyi bildirilən və ciddi milli təhlükəsizliyə təhdid adlandırdığı məlumatların məxfiliyini ləğv etməyə çağırıb.
Ohayo ştatından olan Respublikaçı Törner bəyanatında güman edilən təhlükəsizlik təhdidi ilə bağlı heç bir təfərrüat verməyib.
Bu bəyanatdan qısa müddət sonra ABC News və New York Times adları açıqlanmayan mənbələrə əsaslanaraq Törnerin qeyd etdiyi təhlükəsizlik təhdidinin Rusiyanın kosmosa peyk əleyhinə nüvə silahı yerləşdirmək planı olduğunu bildirib.
"The New York Times” ABŞ-nin müttəfiqlərinin də kəşfiyyat məlumatlarından xəbərdar olduğunu, lakin Rusiyanın iddia edilən qabiliyyətinin hələ inkişaf mərhələsində olduğu üçün dərhal təhlükə yaratmayacağının düşünüldüyünü bildirib.
Mikayıl
