'ABŞ-la Azərbaycan dost ölkələrdir' - Zərdüşət Əlizadə
SİYASƏT
13:29 10.05.2013
1925
“Hər bir dövlətin öz siyasi və iqtisadi maraqları var. Xüsusən hegemon dövlətlər dünyada gedən proseslərə öz maraqları çərçivəsində yanaşırlar ki, onların yerləşdiyimiz regionla bağlı layihələri də bu qəbildəndir”.Bu sözləri AZXEBER.COM-a açıqlamasında politoloq Zərdüşət Əlizadə həmkarı Vəfa Quluzadənin ABŞ-ın Cənubi Qafqazla bağlı ciddi layihələri olduğuna dair açıqlamasını şərh edərkən belə deyib.Onun sözlərinə görə, ABŞ və digər iri dövlətlərin Azərbaycanda hakimiyyət dəyişikliyi həyata keçirmək niyyəti yoxdur və bununla bağlı yayılan məlumatlar həqiqəti əks etdirmir: “ABŞ və digər dünya hegemonlarının məqsədi Azərbaycanda iqtidarı dəyişmək yox, öz siyasi və iqtisadi maraqlarını həyata keçirməkdir. Layihələr varsa da belə, məhz bununla bağlıdır. Bu layihələrin də əsas məqsədi öz dövlətlərini inkişaf etdirməkdir. Bu mənada qarşıdakı seçkilərdə hakimiyyətə qarşı təzyiqlərin olacağı ilə bağlı iddialar əsassızdır. Azərbaycan iqtidarı Amerikanın maraqlarına cavab verir və iki dövlət arasında dostluq münasibətləri mövcuddur”.Fatimə İbrahimova
