ABŞ NATO-nun şərq cinahına əlavə minlərlə hərbçi göndərməyə hazırdır.
Bu barədə ABŞ-ın müdafiə naziri Lloyd Austin Litvaya səfəri zamanı deyib.
"Biz NATO müttəfiqlərinə olan öhdəliyimizi çox ciddi qəbul edirik, NATO Müqaviləsinin 5-ci maddəsinə əməl etmək öhdəliyimiz polad qədər güclüdür. Biz NATO-nun şərq cinahına əlavə ABŞ qoşunları göndərmişik və lazım gələrsə, vəziyyətə cavab vermək üçün daha minlərlə əsgər göndərməyə hazırıq”, - deyə Ostin Litvanın xarici işlər naziri Qabrielius Landsberqislə birgə mətbuat konfransı zamanı bildirib.
Ostin həmçinin artıq respublikaya gəlmiş yüzlərlə əlavə NATO hərbçisinin "qonaqpərvər qarşılanmasına” görə Litvaya təşəkkür edib.
