Məlumdur ki, İsrail dünən Qətərin paytaxtı Dohada HƏMAS liderlərinə qarşı hava hücumu təşkil edib.
AZXEBER.COM xəbər verir ki, sözügedən raket hücumlarıyla bağlı təfərrüatlar ABŞ mətbuatında geniş işıqlandırılıb.
"Wall Street Journal" yazıb ki, Türkiyə və Misir həftələr əvvəl İsrailin HƏMAS-I hədəfə ala biləcəyi barədə xəbərdar ediblər.
Məlumata görə, İsrail HƏMAS-ın siyasi liderlərinin atəşkəsi müzakirə etdiyi iqamətgahı hədəf alıb.
ABŞ rəsmiləri qeyd ediblər ki, İsrail hücumdan bir neçə dəqiqə əvvəl Vaşinqtona məlumat verib, lakin hədəf konkret olaraq müəyyən edilməyib.
Digər bir məlumatsa isə HƏMAS rəsmilərinin təhlükəsizlik protokollarının təkmilləşdirildiyini və Türkiyə Milli Kəşfiyyat Təşkilatının (MİT) hücumdan əvvəl danışıqlar qrupunu xəbərdar etdiyini açıqlayıb.
Ankaranın İsrail təyyarələrinin uçuşunu izləməsi və Fələstin nümayəndələrinə xəbər verməsi faciənin qarşısını alıb.
İsrail nümayəndə heyətinin yerləşdiyi binaya 10 raket zərbəsi endirib, lakin Türkiyə kəşfiyyatı sayəsində plan pozulub və HƏMAS liderləri sağ qalıb.
Qeyd edək ki, bu hucumdan sonra Avropa Komissiyasının sədri Ursula fon der Leyen İsrailə ikitərəfli dəstəyi dayandıracaqlarını açıqlayıb.
