ABŞ ordusunda xidmət edən azərbaycanlı gənc İslamlı Turan Fehruz oğlu həyatına son qoyub.
AZXEBER.COM "Gununsesi.info"ya istinadən xəbər verir ki, Turan İslamlı Bərdə rayonunun Alaçadırlı kəndində anadan olub.
Onun atası əslən Laçın rayonundandır. Ailə uzun illərdir Bərdədə məskunlaşıb.
Məlumata görə, Turan ixtisasca mühəndis olub. O, Memarlıq və İnşaat Universitetini bitirib. Bir müddət Şuşada memar kimi fəaliyyət göstərib, daha sonra ABŞ-a gedib və ordu sıralarında xidmət edib.
Turan İslamlı həmçinin güclü şahmatçı kimi tanınıb.
Ailədə ata-anası, iki qardaşı və bir bacısı olub.
Turan İslamlı Green Card qazanıb və ABŞ-a gedib:
"Bundan sonra ABŞ-a gedərək orduya daxil olub.
Turan bütün fənləri yaxşı bilib və ingilis dilində imtahan verib. O, dünən məzuniyyətə Bakıya gəlib və səhər saatlarında həyatına son qoyub”.
Qeyd edək ki, hadisənin səbəbləri barədə hələlik əlavə məlumat yoxdur.
