ABŞ Prezidenti Co Bayden sabah Ukraynaya 2 milyard dollar dəyərində növbəti hərbi yardım paketini bəyan edəcək.
AZXEBER.COM APA-ya istinadən xəbər verir ki, bu barədə Ağ Evin məlumatında bildirilib.
Qeyd olunub ki, yeni yardım paketinə "Patriot” zenit-raket kompleksi (ZRK) də daxil olacaq.
"Patriot” raket batareyası Ukrayna xalqına ölkənin kritik infrastrukturunu Rusiyanın barbarcasına hücumlarından qorumağa yardım edəcək vacib vasitə olacaq”, - deyə məlumatda deyilir.
O da qeyd edilib ki, Ukrayna qüvvələrinə "Patriot” raket batareyasının idarə edilməsi ilə bağlı təlimlər keçiriləcək: "Bu bir qədər vaxt aparacaq, lakin Ukrayna qüvvələri bu öyrəndiklərini batareyanın istifadəsi üçün öz ölkələrinə aparacaqlar”.
Yardım paketində, eyni zamanda, "NASAMS”, "HAWK”, "Stinger” və PUA-lar əleyhinə sistemlərin də olacağı qeyd olunub.
Qeyd edək ki, Ukrayna Prezidenti Vladimir Zelenksi ABŞ Prezidenti Co Baydenlə görüşmək üçün Vaşinqtona yola düşüb. Bu, Ukraynada müharibə başladıqdan sonra Zelenskinin xaricə ilk səfəridir.
