ABŞ Müdafiə Nazirliyi (Pentaqon) Ukraynaya 600 milyon dollarlıq yeni hərbi yardım paketi açıqlayıb.
AZXEBER.COM xəbər verir ki, yardım paketi ilə bağlı bəyanat ABŞ dövlət katibi Antoni Blinkenin 1 milyard dollarlıq yeni yardım öhdəliyindən sonra gəlib.
Pentaqon bəyan edib ki, elan etdiyi yeni yardım paketi Ukraynanın Rusiyaya qarşı müharibəsində ehtiyac duyduğu silah və sursatları təmin edəcək.
Paket çərçivəsində Ukraynaya hava hücumundan müdafiə sistemləri, artilleriya mərmiləri, elektron döyüş maşınları və minalardan təmizləmə avadanlıqları veriləcək.
Bundan əlavə, paket çərçivəsində Ukraynaya təlim və texniki xidmət fəaliyyətləri üçün dəstək veriləcək. Paket Ukraynaya verilən hərbi yardımın ümumi məbləğini 7,6 milyard dollara çatdırıb.
Ayşən
