Adil Əliyev: “Birləşmiş Millətlər Təşkilatının 28 ildən sonra nəsə tələb etməyə haqqı varmı?”

SİYASƏT
20:39 30.09.2020
624

Sentyabrın 29-da Birləşmiş Millətlər Təşkilatının Təhlükəsizlik Şurasının Dağlıq Qarabağda vəziyyətlə bağlı qapalı iclası keçirilirdi. İclasın nəticələrini hamılıqla maraqla gözləyirdik. Təbii ki, Təhlükəsizlik Şurasının bu iclası keçirməsinin yeganə səbəbi Azərbaycan Ordusunun inamlı qələbəsi və məğlub duruma düşən Ermənistan tərəfinin beynəlxalq təşkilatlara yalvarışı idi. 

AZXEBER.COM xəbər verir ki, bu barədə Milli Məclis sədrinin müavini Adil Əliyev fikirlər səsləndirib. O bildirib ki, xalqımız bir daha əmin olsun ki, qeyd-şərtsiz üstünlük bizimdir:

"Əgər Ermənistan tərəfi öz ordusuna güvənirsə, nə üçün davamlı olaraq beynəlxalq təşkilatlara və xarici dövlətlərin rəhbərlərinə döyüşlərin dayandırılması üçün köməklik göstərilməsi barədə çağırış edir?

BMT Təhlükəsizlik Şurasının qapalı keçən iclasının yekununda elan olundu ki, Azərbaycan və Ermənistan tərəfləri arasında döyüşlər dayandırılsın, tərəflər sülh prosesinə dəvət edilsin, danışıqlar davam etdirilsin. İlk növbədə, BMT-nin belə bir qərar qəbul etməyə mənəvi haqqı yoxdur. BMT Nizamnaməsinin 2-ci maddəsinin 4-cü bəndinə əsasən, bütün üzvlərin beynəlxalq münasibətlərdə həm digər dövlətlərin ərazi bütövlüyünə və siyasi müstəqilliyinə qarşı, həm də BMT-nin məqsədlərinə uyğun olmayacaq şəkildə qüvvə tətbiqi ilə qorxutmaları və birbaşa qüvvə tətbiq etmələri qadağan edilir. Yəni, hər bir ölkənin ərazi bütövlüyü toxunulmazdır və güc tətbiq etməklə ərazi bütövlüyünün pozulması təcavüz aktı hesab olunur. Ermənistan isə artıq 28 ildir ərazimizi işğal edib və bununla kifayətlənməyərək, əlavə olaraq, yeni təxribatlar törədib.

Beynəlxalq hüquqda elə normalar vardır ki, onlar bütün dövlətlər üçün məcburidir. Bu normalar "jus cogens” normalarıdır. Dövlətlərin ərazi bütövlüyü prinsipi bu normalara aiddir və icrası məcburidir. BMT Nizamnaməsinin 2.7-ci maddəsinə əsasən bu nizamnamənin heç bir müddəası Birləşmiş Millətlər Təşkilatına səlahiyyət vermir ki, hər hansı bir dövlətin əsas etibarilə daxili yurisdiksiyasında olan məsələlərə müdaxilə etsin. Bu gün Azərbaycanın ərazi bütövlüyünü BMT-nin özü də daxil olmaqla bütün dünya tanıyır. Bu halda Azərbaycanın öz yurisdiksiyası daxilində olan ərazini işğaldan azad etməyə haqqı var. Ermənistan tərəfinin isə Azərbaycanın sərhədləri daxilində nə işi var ki, onlara qarşı da silah işlədilsin”.

Adil Əliyev onu da əlavə edib ki, BMT tərəfindən 28 il əvvəl qəbul edilmiş Azərbaycanın ərazi bütövlüyünü tanıyan və işğal olunmuş ərazilərindən erməni işğalçı qüvvələrinin dərhal və qeyd-şərtsiz çıxarılmasını tələb edən qətnamələr bu günə qədər icra edilməyib:

"BMT öz qətnamələrinin icrasını təmin edə bilmirsə, bu gün Azərbaycan tərəfini sülhə çağıra bilməz, buna mənəvi haqqı yoxdur.

Vəziyyət o yerə çatıb ki, Azərbaycan Respublikasının Prezidenti cənab İlham Əliyev Birləşmiş Millətlər Təşkilatının 75-ci Assambleyasında çıxış edərək bildirdi ki, Ermənistan tərəfi 28 ildir faktiki olaraq təcavüzü davam etdirir. Təhlükəsizlik Şurasının Ermənistandan Azərbaycanın işğal edilmiş ərazilərinin dərhal və qeyd-şərtsiz boşaldılmasını tələb edən dörd qətnaməsi bu günədək icra edilməyib. Hansı ki, BMT Təhlükəsizlik Şurasının qətnamələri çox qısa müddət ərzində icra edilir.

Bu gün Ermənistan öz təcavüzkar siyasətini davam etdirməklə yanaşı, beynəlxalq hüququn hamılıqla qəbul edilmiş bütün normalarını kobud şəkildə pozaraq, 1949-cu il Cenevrə Konvensiyasına zidd olaraq Dağlıq Qarabağa Livandan və digər ölkələrdən insanları köçürdür. Cenevrə Konvensiyasının tələblərinə görə, döyüşlərdə muzdlular iştirak edə bilməz, lakin Ermənistan tərəfinin yaydığı videolardan da görünür ki, döyüşlərdə iştirak etmək üçün Suriyadan və digər ölkələrdən muzdlular gətirilir.  Ermənistan tərəfi döyüşlər zamanı mülki əhalini və mülki obyektləri, xüsusilə heç bir halda silah işlədilməsinə icazə verilməyən xəstəxanaları, tibbi yardım maşınlarını vurur. 

Sentyabrın 29-da baş tutmuş debatda Azərbaycan Prezidenti İlham Əliyev Ermənistanın baş nazirini əsaslı arqumentlərlə susduraraq həm diplomatiyada, həm də döyüş meydanında düşməndən qat-qat üstün olduğumuzu bir daha sübut etdi. Prezidentimizin dediyi kimi, biz elə edəcəyik ki, Ermənistan tərəfi bir daha bizim torpaqlarımıza baxmağa belə cürət etməsin.
Bu gün Ali Baş Komandanın rəhbərliyi altında Azərbaycan Ordusu döyüş meydanında misli görünməmiş tarix yazır. Xalqımız qələbəmizə inanır və qələbə bizimdir!”

OXŞAR XƏBƏRLƏR

ƏN SON XƏBƏRLƏR

18:05 20.10.2020

Zəngilan şəhərinin kosmosdan çəkilmiş görüntüsü yayıldı - FOTO

17:58 20.10.2020

Ermənistan ordusu tərəfindən yaşayış məntəqələrimiz atəşə tutulub - RƏSMİ

17:56 20.10.2020

Ermənistan ordusunun daha iki polkovniki məhv edildi

17:36 20.10.2020

Azərbaycanda bu gün 584 nəfər koronavirusa yoluxdu

17:35 20.10.2020

Xudafərin körpülərinin UNESCO-nun Dünya Mədəni İrs Siyahısına salınması məqsədilə tədbirlər keçiriləcək

17:24 20.10.2020

Düşmən hücumuna məruz qalan Gəncə sakini dağıdılmış evində “Sarı Gəlin”i ifa edir - VİDEO

17:13 20.10.2020

Şəhriyar Məmmədyarov: "Sevincimin həddi-hüdudu yoxdur"

17:00 20.10.2020

Mehriban Əliyeva xalqı təbrik edib

16:53 20.10.2020

"Ermənistan rəhbərliyi artıq bizim qarşımızda diz çöküb, onlara layiq olan yeri göstərmişik"

16:46 20.10.2020

Mehriban Əliyeva paylaşım etdi - FOTO

16:45 20.10.2020

İlham Əliyev: "Ermənistan rəhbərliyi özünü düşük kimi aparır"

16:42 20.10.2020

Prezidentin tarixi çıxışının tam - MƏTNİ

16:20 20.10.2020

Erməni ictimai xadim: "Tarix bizi nəinki dəfələrlə cəzalandırıb, heç bir şey öyrətməyib”

16:14 20.10.2020

Ankarada Ermənistana etiraz olaraq avtoyürüş keçirilib - FOTO

16:01 20.10.2020

Ermənilərin Tərtərə atəşi nəticəsində 2 mülki şəxs həlak oldu, 1 nəfər yaralandı

15:53 20.10.2020

Düşmənin məhv edilən və ələ keçirilən hərbi texnikalarının tam - SİYAHISI