Görünüşcə armuda bənzəyən Qranadillanın vətəni Boliviyadır. Qabığı soyularaq içərisindəki yumuşaq hissənin qaşıqla yeyildiyi bu meyvə yerli bazarda 1 ədədi 11manat 99 qəpiyə satılır. El arasında adı "Kalsium bombası"dır.
Ekzotik meyvələr arasında ən çox təlabat görəni Marakuyyadır. Vətəni İndoneziya olan bu nemət vitamin B, C, E, K, H, Dəmir, Kaliy, Maqniy, Kükürd deposu kimi bilinir, dişlər, saç və dırnaqları qidalandırır. Bu meyvəni sevənlər isə 1 ədədi üçün 7manat 80qəpik ödəməlidir.
Dəniz şabalıdını xatırladan görüntüsü ilə çox iştah açıcı görünməsə də bahalı meyvəlır arasında öz yerini alanlardan biri də Rambutandır. Vietnamdan gələn bu meyvənin üst qabığı çıxarılaraq içi yeyilir. Həzm prosesi, dəri, mədə və qaraciyərə çox faydalıdır. Tərkibində azot, kül, maqnezium, sodyum, manqan, sink, kalium, vitamin B,C və fosfor var. Bu faydalı meyvənin qiyməti isə 1ədəd üçün 6manat 49qəpikdir.
Bir ədədi 4 manat 69 qəpiyə satılan Liçi isə xalestrin ilə mübarizə aparanların seçimidir.
"Əjdaha gözü" adlandırılan Lonqan dad baxımından bir o qədər sevilməsə də faydalarına görə çox satılanlar arasındadır. Qiyməti isə 1 ədəd üçün 2 manatdır.
Yerli bazarda satılsa da qiymət baxımından sərfəli olmayan meyvələr də var.
Bunlar isə quanabana 90 manat, çerimoyya 75 manat, durian 70 manat, cekfrut 35 manat, king manqo 28 manat, pithaya 29 manat olmaqla piştaxtada öz yerini alıb.
