ADU-da media nümayəndələri mükafatlandırılıb

MEDİA
15:34 19.07.2019
2964
İyulun 19-da Azərbaycan Dillər Universitetində (ADU) media nümayəndələri mükafatlandırılıb. ADU-nun Tələbə Həmkarlar İttifaqı Komitəsinin qərarı ilə 22 iyul – Milli mətbuat günü münasibətilə KİV nümayəndələrinə tələbələrə verdiyi dəyərə və tələbəlik həyatını mətbuatda obyektiv və xüsusi şəkildə işıqlandırdığına görə təşəkkürnamə elan edilib.

AZXEBER.COM xəbər verir ki, ADU-nun rektoru, Xalq yazıçısı, akademik Kamal Abdulla ADU ilə əməkdaşlıq edən bütün jurnalistlərə təşəkkürünü bildirib: "Universitetimizə obyektiv, xoş münasibət göstərən jurnalistlərə təşəkkürümü bildirirəm. Obyektiv jurnalist baxışını həmişə yanımızda hiss etmişik. Azərbaycan Dillər Universitetinin qapıları medianın üzünə hər zaman açıq olub, əlbəttə, bundan sonra da belə olacaq”.

Elmi işlər üzrə prorektor dosent Sevinc Zeynalova 1875-ci il iyulun 22-də Həsən bəy Zərdabi tərəfindən ilk çap nəşri – "Əkinçi”qəzetinin buraxıldığı gündə qeyd edilən Milli Mətbuat günü münasibətilə jurnalistləri təbrik edib. "Əkinçi” qəzetində həmin dövlərin mütərəqqi ideyalarının əks olunduğunu deyən S.Zeynalova qəzetin xalqın maarriflənməsində, yenilik və bəşəri ideyaların təbliğində mühüm rol oynadığını söyləyib. Prorektor bildirib ki, Ümummilli lider Heydər Əliyevin 1998-ci il 16 avqust tarixli "Azərbaycan Respublikasında söz, düşüncə və informasiya azadlığının təmin edilməsi tədbirləri haqqında” fərmanı ilə ölkədə kütləvi informasiya vasitələri üzərində senzura ləğv edilib və bu fərman kütləvi infromasiya vasitələrinin sürətli inkişafına ciddi təkan verib:

"Ulu öndərin siyasətini uğurla davam etdirən və həyata keçirən Azərbaycan Prezidenti İlham Əliyevin 2009-cu ilin martın sonunda imzaladığı sərəncamla Prezident yanında Kütləvi İnformasiya Vasitələrinə Dövlət Dəstəyi Fondu yaradılıb. Bunun nəticəsidir ki, biz bu gün söz, məlumat azadlığı şəraitində yaşayırıq. Tarixə nəzər salsaq, görərik ki, həqiqətən Azərbaycan mətbuatı zəngin və möhtəşəm yol keçib”.

S.Zeynalova universitetdə imtahan prosesinin gedişatını müşahidə etmək məqsədi ilə KİV nümayəndələrinin iştirakı ilə mediaturların təşkil olunduğunu qeyd edib və həmin məlumatların geniş və obyektiv işıqlandırılmasına görə jurnalistlərə təşəkkürünü bildirib. S.Zeynalova ADU-nun İctimaiyyətlə əlaqələr və yaradıcılıq şöbəsinin KİV nümayəndələri ilə universitet arasında körpü rolunu oynadığını bildirib və təşəkkür edib.

Sosial məsələlər və ictimaiyyətlə əlaqələr üzrə prorektor, dosent Tamam Cəfərova ADU-nun mətbuat üçün daim açıq olduğunu deyib. KİV nümayəndələri ilə universitetin dostluq etdiyini deyən prorektor bu dostluğun davam etməsini arzulayıb. O, "Əkinçi”dən başlayan, "Molla Nəsrəddin”lə möhkəmlənən bu şərəfli və çətin yolun müstəqillik illərində daha da davam etdirildiyini və dünya mətbuatı səviyyəsinə çatdırıldığını söyləyib. 2003-cü ildə ulu öndərin "Jurnalistlərin dostu” seçilməsinin təsadüfi olmadığını və onun mətbuat nümayəndələri ilə səmimi söhbətlərindən söz açıb. T.Cəfərova Jurnalistika fakültəsinin ilk dəfə yaradılması və Azərbaycandan kənar ölkələrə jurnalistilərin göndərilməsinin Jurnalistikanın inkişafına töhfə verən vacib məqamlardan biri olduğunu deyib. Demokratik inkişafın əsas atributunun söz və mətbuat azadlığı, daşıyıcılarının isə kütləvi informasiya vasitələri olduğunu deyən prorektor bu gün mətbuatımızın əmin əllərdə olduğunu vurğulayıb. T.Cəfərova jurnalistlərə Azərbaycan dövlətinin inkişafı istiqamətində fəaliyyətlərində uğurlar arzulayıb.

ADU-nun Tələbə Həmkarlar İttifaqı Komitəsinin sədri Şahin Sərdarlı tələbə həyatına önəm verən, obyektiv şəkildə sayt və qəzetlərdə xəbərləri dərc edən media nümayəndələrinə təşəkkürnamənin verilməsinin böyük qürur olduğunu diqqətə çatdırıb. Universitetdə keçirilən "Xəlifə günü” layihəsində ötən il universitetin xəlifə mətbuat katibi seçildiyini deyən Ş.Sərdarlı həmin layihə ilə bağlı silsilə şəklində maraqlı reportajların hazırlanıldığını xatırladıb. O, jurnalistlərin bayramını təbrik edib və bu sıx münasibətlərin də davam edəcəyinə inandığını deyib.

Tədbirdə Azərbaycanın ictimai fikrinə kifayət qədər təsir edə bilən jurnalistlərin toplaşdığını deyən "İki Sahil” qəzetinin baş redaktoru V.Rəhimzadə həmkarlarını Milli Mətbuat günü münasibətilə təbrik edib. O, ADU-nun rektoru Kamal Abdullanın cəmiyyətə açıq insan olduğunu söyləyib. V.Rəhimzadə universitet rəhbəri başda olmaqla, əməkdaşların media ilə işinin düzgün qurulduğunu və KİV-in işinə daim dəstək olduqlarını bildirib: "Bizə verdiyiniz dəyərə görə sizə təşəkkürümü bildirirəm. Biz də ADU-nun həyata keçirdiyi yaxşı işlərə dəstək olacağıq”.

"Şərq” qəzetinin redaktoru Ayyət Əhməd ADU-nun məzunu olduğunu və əlaqələrin davam etdirildiyini diqqətə çatdırıb.

Daha sonra ölkənin bir sıra sayt və qəzet əməkdaşlarına təşəkkürnamə və hədiyyələr təqdim olunub.

OXŞAR XƏBƏRLƏR

ƏN SON XƏBƏRLƏR

22:03 30.09.2020

Düşmənə məxsus 8 “Qrad” yaylım atəşli reaktiv sistemi məhv edilib

21:58 30.09.2020

Ermənilər Saakaşvilini Azərbaycana dəstəyə görə fəxri tituldan məhrum edir

21:36 30.09.2020

Türkiyə və Azərbaycan ədliyyə nazirləri arasında telefon danışığı olub

21:29 30.09.2020

Goranboyun Tapqaraqoyunlu kəndi atəşə tutulub

21:27 30.09.2020

DTX əhaliyə müraciət etdi

21:06 30.09.2020

“ASAN xidmət”in sədrindən Şuşa paylaşımı - VİDEO

20:58 30.09.2020

“Moskva Azərbaycan və Ermənistan XİN rəhbərlərinin görüşünə hazırdır” - Lavrov

20:39 30.09.2020

Adil Əliyev: “Birləşmiş Millətlər Təşkilatının 28 ildən sonra nəsə tələb etməyə haqqı varmı?”

20:21 30.09.2020

Qarabağda erməni hərbçilərlə soyğunçular arasında silahlı toqquşma baş verib

19:56 30.09.2020

Gürcüstanın Baş naziri Bakı və Yerevana Tbilisidə danışıqlar aparmağı təklif etdi

19:46 30.09.2020

Deputat İran haqda: “Burada hansı islamdan, hansı müsəlmançılıqdan danışmaq olar?”

19:45 30.09.2020

İlham Əliyev Küveyt əmirinə başsağlığı verib

19:37 30.09.2020

Düşmən taborunun döyüş bayrağı ələ keçirildi - RƏSMİ

19:28 30.09.2020

Avropa İttifaqı Şurasının Prezidenti Azərbaycan Prezidentinə zəng edib

19:16 30.09.2020

Aİ Qarabağdakı hadisələrə qarışmamaqla bağlı çağırış edəcək

19:13 30.09.2020

Azərbaycan və İsveç XİN başçılarının videokonfrans formatında görüşü keçirilib

X Mostbet