AZXEBER.COM xəbər verir ki, aksiyaya səbəb universitetdə bu ildən dövlət imtahanının keçirilməsidir. Universitetin mətbuat xidməti sözgedən imtahanın Nazirlər Kabinetinin qərarı ilə keçirildiyini bildirsə də, tələbələr haqlı etirazlarını davam etdiriblər. Belə ki, universitet 7 il öncə Nazirlər Kabinetinin qəbul etdiyi qərarı indi icra etməyə başlayıb.

 

Hazırda universitetin önündə çoxlu sayda tələbə "İmtahana Yox!" şüarları ilə ertiraz edirlər.

 

Xatırladaq ki, ötən gün ADU-nun rektoru Əfqan Abdullayevlə 4-cü kurs tələbələri arasında narazılıq yaşanmışdı. Tələbələrdən biri rektora cəsarətli suallar verərək bu imtahanın qərar qəbul ediləndən 7 il sonra yenidən tədbiq edilməsinin səbəbini soruşmudu. Bu isə rektoru özündən çıxrtmışdı.

 

Onu da əlavə edək ki, deputat Səməd Seyidovdan sonra rektor təyin olunan Əfqan Abdullayev sələfinin ləğv etdiyi bir çox qərarları yenidən işlək vəziyyətə salıb.