Heydər Əliyev prospektində, metronun "Koroğlu” stansiyasının yaxınlığında ağır qəza baş verib.
AZXEBER.COM-un hadisə yerində olan əməkdaşının əldə etdiyi məlumata görə, hava limanı yolundan şəhər istiqamətində hərəkət edən iki minik avtomobili toqquşub. Hadisə nəticəsində bir nəfər ölüb, bir neçə nəfər isə ağır bədən xəsarətləri ilə xəstəxanaya qaldırılıb.
Qəzaya yüksək sürətin səbəb olduğu bildirilir. Hadisə nəticəsində hava limanı yolunun şəhər istiqamətindəki hərəkət xətti avtomobillər üçün məhdudlaşdırılıb.
Leyla Rəhimli
