"Afaq Bəşirqızı hazırda sağlamlığı ilə bağlı ciddi problemlər yaşayır".
Bunu AZXEBER.COM-a açıqlamasında Xalq artisti Gülyanaq Məmmədova deyib.
O, 70 yaşını qeyd edən Xalq artistinə arzularını dilə gətirib:
"Səhnəmizin gülüş ustası, hamımızın dəyərlisi Afaq xanıma əsas can sağlığı arzu edirəm. Çünki o, hazırda səhhəti ilə mübarizə aparır, sağlamlığında ciddi problemlər var. Amma o, həm qadın kimi, həm də insan kimi çox güclüdür. İnanıram ki, hər şeyə qalib gələcək. Afaq xanım bütün xalqın sevimlisidir, şirin dilli, sadə, səmimi insandır. Buna görə də onu hamı sevir və xalqın sənətkarı da belə olmalıdır.
Aysel
