Yunanıstanın paytaxtı Afinada Aleksandr Qriqoropulosun ölümünün ildönümü ilə bağlı keçirilən yürüş zamanı küçələrdə xaotik vəziyyət yaranıb.
AZXEBER.COM xarici mediaya istinadən xəbər verir ki, anma yürüşü zamanı onlarla həbs edilib.
Günorta saatlarında Afinanın mərkəzində toplaşan tələbələrin Qriqoropulos üçün təşkil etdiyi anım yürüşü insidentsiz başa çatıb.
Paytaxtda minlərlə insanın qatıldığı ikinci nümayişdə Eksarhia rayonunda bir qrup zibil qutularını yandırıb, yolu barrikadalar bağlayıb, ətrafdakı mağazalara ziyan vurub.
Təhlükəsizlik qüvvələrinə müxtəlif əşyalar atan qrupa polis bibər qazı ilə cavab verib.
Onlarla insan saxlanılıb.
Qeyd edək ki, Aleksandros Qriqoropulos 2008-ci il dekabrın 6-da polisin açdığı atəş nəticəsində 16 yaşında vəfat edib.
Qriqoropulosun ölümündən sonra Afinada keçirilən nümayişlər 2 həftə davam edib və çoxlu bina və avtomobillərə ziyan dəyib.
Mikayıl
