13-14 sentyabr, 2013-cü il tarixində Azərbaycan Gənclərinin Avropaya İnteqrasiyası Təşkilatının (AGAT) sədri Gülsel Səfərova İsveçin paytaxtı Stokholmda keçiriləcək Nobel Qardaşlarının II Elmi-İnnovativ Konfransında iştirak edib. Konfrans Nobel Oil LTD-nin dəstəyi ilə Stokholmdakı Biznes Tarixi üzrə Mərkəzlə və tədbirin təşkilatçısı Azərbaycan Skandinaviya Əməkdaşlığı İB-nin birgə əməkdaşlığı ilə tutub.
Tədbirdə AGAT sədri G. Səfərova çıxış edərək, qarşılıqlı faydalı əlaqələrin möhkəmləndirilməsinin vacibliyindən danışıb. Natiq Nobel Qardaşlarının Elmi-İnnovativ Konfransının gənclər əlaqəsini daha sıx etmək üçün, eləcə də gənc novatorların bu konfransa cəlbi və onların ideyalarınım paylaşılması üçün Gənclər Forumunun yaradılmasını təklif edib. Konfransın İdarə Heyəti təklifi maraqla qarşılamış və gələcəkdə belə Gənclər Forumunun yaradılması ilə bağlı ilkin danışıqlara hazır olduqlarının bildirmişlər.
Tədbirdə ARDNŞ-nın vitse-prezidenti Vitaliy Bəylərbəyov, “Nobel International Fraternity” təşkilatının sədri Filip Nobel, Bakı Nobel İrsi Fondunun sədri doktor Toğrul Bağırov, Nobel Sustainability Trust təşkilatının sədri Piter Nobel, Stokholmda Nobel Fondunun icraçı direktoru Lars Heikensten və digər yüksək rütbəli məmurlar məruzə ilə çıxış etmişlər.
Xatırladaq lo, konfransın ümumi məqsədi texniki, ictimai və ictimai-iqtisadi sahədə uğurlu innovasiaların tanınmasının genişləndirilməsindən ibarətdir. Son konfrans isə zamanı əsas diqqət geosiyasi reallıqlar və Branobelin milliləşdirilməsinin dünya neft sənayesi üçün fəsadları ilə bağlı müzakirələrə həsr olunub.
Qeyd edek ki, Konfransın tərəfdaşları Nobel Ailəsi Cəmiyyəti, Stokholmdakı Nobel Muzeyi, Stokholmdakı Biznes Tarixi üzrə Mərkəz, Bakı Nobel İrsi Fondu, Beynəlxalq Nobel Qardaşlığı fondu, Azərbaycan Milli Tarix Arxivi, Gürcüstanın Milli Arxivi, Nobel qardaşlarının Batumi Texnoloji Muzeyi kimi beynəlxalq təsisatlardır. Konfrans Nobel Oil LTD-nin dəstəyi ilə Stokholmdakı Biznes Tarixi üzrə Mərkəzlə və tədbirin təşkilatçısı Azərbaycan Scandinaviya Əməkdaşlığı İB-nin birgə əməkdaşlığı ilə keçirilmişdir.
