Avropa İttifaqı (Aİ) Beynəlxalq Cinayət Məhkəməsini (BCM) güclü şəkildə dəstəkləyir.
AZXEBER.COM "Report”a istinadən xəbər verir ki, bu barədə Avropa Şurasının prezidenti Antoniu Koşta ABŞ Prezidenti Donald Tramp administrasiyasının BCM-in dörd hakiminə qarşı sanksiya tətbiq etmək qərarını şərh edərkən bildirib.
Koşta BCM-i beynəlxalq ədalətin təməl daşı adlandırıb və bildirib ki, onun müstəqilliyi və bütövlüyü qorunmalıdır.
Xatırladaq ki, dünən Ağ Ev BCM-in İsrailin Baş naziri Binyamin Netanyahunun həbsinə order verməsi və ABŞ əsgərlərinin Əfqanıstanda törətdiyi mümkün müharibə cinayətləri ilə bağlı iş açmaq qərarına cavab olaraq sanksiyalar elan edib.
