Avropa İttifaqı Rusiyadan idxal olunan enerji daşıyıcılarına görə ayda 1,5 milyard avro ödəyir, lakin məqsəd bu rəqəmi tam sıfıra endirməkdir.
Bu barədə Avropa Komissiyasının Prezidenti Ursula von der Leyen Aİ-nin Rusiyadan idxal olunan enerji daşıyıcılarının istifadəsini tam dayandırmaq barədə ilkin razılıq əldə etməsini şərh edərkən bildirib.
Ursula von der Leyen Avropanın Rusiyadan tam enerji asılılığından azad olduğu yeni dövrün başlanğıcını elan edib.
O vurğulayıb ki, Aİ-nin Rusiyadan enerji daşıyıcılarının idxalını azaltması Ukraynaya qarşı işğalçı müharibəni maliyyələşdirmək üçün əldə olunan gəlirlərin azalmasına səbəb olub.
"Müharibənin başlanğıcında biz Rusiyaya ayda 12 milyard avro ödəyirdik, indi bu məbləğ ayda 1,5 milyard avroya düşüb, bu hələ də çoxdur və biz onu sıfıra endirməyə çalışırıq”, – Ursula von der Leyen əlavə edib.
///apa
