Ağır insult keçirdiyi üçün əmək fəaliyyətini tamamilə itirən Sabirabadın Quruzma kənd sakini, 64 yaşlı Qubad Əliyev əlillik təyinatı ala bilmir.
Xezerxeber.az-ın məlumatına görə, o, 7 aya yaxındır ki, yataq xəstəsidir.
Nitq və yerimə qabiliyyətini itirən Qubad Əliyev əlillik dərəcəsi almaq üçün bir neçə dəfə Dövlət Tibbi-Sosial Ekspertiza və Reabilitasiya Agentliyinə müraciət edib. Lakin hər dəfə ona imtina cavabı gəlib.
Qubad Əliyevun oğlu Əbülfət Murtuzov deyib ki, atası 3 dəfə insult keçirəndən sonra yataq xəstəsi olub.
Məsələ ilə bağlı Dövlət Tibbi-Sosial Ekspertiza və Reablitasiya Agentliyinə müracşiət etdik. Qurumdan "Xəzər Xəbər"ə bildirildi ki, Qubad Əliyevə əlillik təyin ediləcək.
Vurğulanıb ki, Qubad Əliyevin əlillik təyinatı ilə bağlı qərar elektron sistemə daxil edildikdən sonra o, müvafiq sosial ödənişlərlə təmin olunacaq.
Xezerxeber.az mövzu ilə bağlı daha ətraflı videomaterialı təqdim edir.
