Akademik avarçəkmə, kayak və kanoe üzrə Azərbaycan çempionatı keçiriləcək

Akademik avarçəkmə, kayak və kanoe üzrə Azərbaycan çempionatı keçiriləcək
İDMAN
17:52 30.08.2025
411
Gənclər və İdman Nazirliyi (GİN) ilə Azərbaycan Kanoe və Avarçəkmə Federasiyasının (AKAF) birgə təşkilatçılığı əsasında akademik avarçəkmə, kayak və kanoe üzrə Azərbaycan çempionatı keçiriləcək.

Bu barədə AZXEBER.COM-a AKAF-ın mətbuat xidmətindən bildirilib.

Mingəçevir şəhərində yerləşən "Kür" Olimpiya Tədris-İdman Mərkəzində təşkil olunacaq yarışda Bakı və Mingəçevirdən olan 100-dən artıq idmançı mübarizə aparacaq.

Ölkə çempionatında avarçəkənlər akademik avarçəkmə və kayak növündə  1 və 2 nəfərlik, kanoe növündə isə 1 nəfərlik qayıqlarda güclərini sınayacaqlar.

Qeyd edək ki,  Azərbaycan çempionatı sentyabr-oktyabr aylarında baş tutacaq 3-cü MDB Oyunlarına test və hazırlıq xarakteri daşıyır. Həmçinin bu turnirdə fərqlənən avarçəkənlər MDB Oyunlarında iştirak edəcəklər.//report
OXŞAR XƏBƏRLƏR