Berlin Gürcüstan vətəndaşı Zəlimxan Xanqoşvilinin qətli ilə bağlı Rusiya səfirliyinin iki əməkdaşını persona non-qrata elan edib.
AZXEBER.COM xəbər verir ki, bu barədə Almaniyanın xarici işlər naziri Annalena Berbok bildirib.
"Dövlət sifarişi ilə törədilən bu qətl Almaniya qanunlarının və onun suverenliyinin kobud şəkildə pozulmasıdır. Ona görə də biz Rusiya səfirini söhbətə çağırdıq", - o, jurnalistlərə deyib.
Öz növbəsində, Rusiya Xarici İşlər Nazirliyi diplomatların ölkədən çıxarılması üçün cavab tədbirləri elan edib. Yaxın vaxtlarda nazirlik bu məsələ ilə bağlı açıqlama verəcək.
